Ballokume Elbasani....

Perberesit

• 1 kg sheqer
• 7 kokrra veze
• 400 gr gjalp
• 1kg miell misri (i situr)
• 1 gote caji miell gruri
• 1 filxhan kafeje qumesht

Perberja

Tretet gjalpi dhe lihet t'i kullojne kriperat. Pastaj gjalpi i shkrire dhe pa kripërat e rëna në fund rrihet me sheqerin deri sa të bëhet një masë e bardhë. Rrahja e masës të bëhet me dorë, sepse përfundimi i përzierjes ndjehet kur të duket se prek fije me dorën që po përzien masën e krijuar. Ndërkohë vezët janë përzier me qumështin më parë dhe shtohen dalëngadalë tek sheqeri i rrahur, duke vazhduar përzierjen e këtij të fundit. Pastaj hidhet mielli dalëngadalë duke vazhduar perzierjen me dorë. Mielli i grurit hidhet ne fundi. Duhet patur kujdes me hedhjen e miellit, sepse mielli i tepërt i bën të forta ballakumet pas pjekjes. Prandaj, pasi është harxhuar sasia e paracaktuar e miellit, brumi lihet 15-30 minuta në qetësi pavarësisht se ai mund të duket i qullët. Nëse shihet se brumi ka mbetur përsëri si i qullët, atëhere atij mund t’i shtohet edhe një dorë miell. Kështu me këtë brum bollokumet nuk do të prishen gjatë pjekjes. Persa i perket pjekjes lyeni me pak gjalp taven dhe spërkaten me pak miell. Pastaj, nga brumi tashmë i gatuar, formohen me dorë gurabiet me madhësi jo të vogël dhe vendosen mbi tave të larguara nga njëra-tjetra. Paraprakisht furra është nxehur në 170oC. Futet tava në furrë dhe lihet aty derisa bollokumet të formojnë pak kore (jo të skuqen). Nxirret pastaj tava nga furra dhe lihet të ftohet, me qëllim që bollokumet të shkëputen lehtësisht prej saj.

Gezuar Diten e Veres!

Lulelaker e skuqur me veze

Perberesit per 4 persona

• Lulelaker 1kg
• Miell 1 luge e gjysem gjelle
• veze 3kokrra
• 2 luge gjelle djath kackavall
• Vaj 4 luge gjelle
• kripe
• piper

Pergatitja
Ziejme lulelakren dhe pasi te kete zier e ndajme ne dege te vogla dhe e sperkasim me piper, kripe dhe djathe kackavall te grire(ose te bardhe), i kalojme ne miell, ne veze dhe me pas i vendosim per t'i skuqur mire nga te dyja anet.

Pure spinaqi!

Perberesit per 4 persona:

• Spinaq 1 kg
• veze 4ose 5 kokrra
• qumesht 1 gote e gjysem
• Miell 2 luge gjelle
• Gjalpe 2luge gjelle

Pergatitja
Pastrojme spinaqin mire dhe e vendosim te ziej per 5 ose 7 minuta ne uje te valuar me kripe, kullohet dhe me pas fillojme ta punojme deris te beht nje mas e lengshme ne trajten e pures. Ne nje tigane hedhim miellin dhe gjalpin dhe i kaurdisim , nderkohe qe akoma nuk e ka marr ngjyren i shtojme qumshtin , kripen dhe e ziejme derisa te behet nje salce qumshti e trashe, me pas shtojme purene e spinaqit dhe dhe vazhdojme ta perziejme lehte, a leme ne zjarre derisa te krijohet nje mase homogjene. Nese ju duket se masa eshte shume e trashe atehere hollojeni me pak qumesht. te nxehte. E heqim nga zjarri dhe persiper i hedhim pak gjalpe. Pureja mund te perdoret si garnityre per pajta te ndryshme me baze mishi.

Byrek me rrush te thate!

Perberesit

• 5 te Bardha veze
• 1 gote e gjysem me stafidhe(rrush i thate)
• 2 molle jeshile ose starkinge
• 1gote uji arra
• 50 gr gjalpe
• 6 pete byreku te gatshme (nese keni deshire petet mund ti beni dhe vete)
• 2 luge gjelle sheqer
• Kanelle sipas deshires
• 50 gr cokollate

Pergatitja
Shtroni petet dhe fillojini t'i prisni me shirita me nje trashesi sipas deshires ( trashesia duhet te llogaritet mire pasi kur te palosen nuk duhet qe mbushja te dali jashte). Shkrini gjalpin dhe me gjalpin e shkrire filloni te lyeni shiritat e peteve.Grini mollet ne rende. Filloni te shtroni siper shiritiva arrat, mollet e grira, rrushin e thate dhe cokollaten.Filloni te mbeshtillni shiritat duke bere kujdes qe te mos lini hapsira nga ku mund te dal mbushja. Ne nje ene filloni te perzieni te bardhat e vezeve me sheqerin dhe kanellen derisa te krijohet nje mase homogjene, mepase filloni te lyeni byrackat me kete mase. Pasi te keni lyer byreckat vendosini ne nje tepsi te lyer me pak gjalp dhe lerini te piqen ne nje temperature 200°C.

Sallate Spinaqi me pancete!

Perberesit

• 3 veze te ziera
• 7 feta te holla pancete
• 1 kokerr e vogel qepe e kuqe
•  3 luge vaj ulliri
• 300 gr spinaq
• 150 gr kerpudha
• 3 luge gjelle yndyre (perdorni ynderen e pancetes kur ta skuqni)
• 3 luge uthull e kuqe (ne vend te uthulles mund te hidhni vere per gatim)
• 2 luge caji sheqer
• 1 maje luge kripe

Pergatitja

Filloni te zieni e vezet dhe pasi te jene zier, qerojini dhe lerini te ftohen. Pasi te jene ftohur pritini ne rrathe.Ne nje tigan vendosni fetat e pancetes dhe skuqeni deri sa te marre ngjyre te arte.Pasi te jene skuqur , hiqini nga zjarri dhe yndyren e mbetur mos e hidhni, panceten lereni te ftohet pake dhe filloni ta prisni ne copa me te vogla. Prisni qepen ne rrathe ose kubik dhe shojeni ne nje tigan me pak vaj ulliri, po ashtu shtoni dhe kerpudhat. Vendoseni tiganin ne zjarr  dhe lereni qepen e kerpudhat te skuqen duke i kaurdisur here pas here. Pasi te jene skuqur hiqini nga zjarri dhe vendosini ne nje pjate. Lani dhe pastroni spinaqin. Nese spinaqi eshte me flete te medha pritini flete ne madhesin e deshiruar.Spinaqin hidheni ne pjate sallate. Filloni te pergatisni salcen e pancetes. Yndyren e ruajtur te pancetes perzijeni me sheqerin dhe uthullen, lerini derisa te filloj te krijohet nje mase e karamelizuar  ne zjarr te mesem (kujdes me sheqerin te mos te ngjisi dhe te mos karamelizohet shume). Te tasi ku keni vendosur spinaqin vendosni panceten, vezet, kerpudhat dhe shtoni edhe salcen e pancetes. Ne fund sperkateni me pak kripe dhe perzijeni. Nese deshironi mund te shtoni edhe djath kackavall ose te bardhe.

Sallate me veze dhe djathe

Perberesit per 4 persona:

•  2 filxhan caji me djathe te grire (kackavall ose i bardhe sipas deshires)
• 4 veze te ziera fort, te prera ne kubike te vegjel
• gogozhare (domateje, spece ose kastraveci sipas deshires tuaj)
• 1/2 filxhan caji majonez
• 1 lug caji mustard
• kripe dhe piper ( sasia sipas deshires)

Pergatitja
I perziejme 5 perberesit e pare ne nje tas derisa te na krijohet nje mase homogjene. Ne fund i sperkasim me kripe dhe piper. Ju befte mire!

Krah pule me spinaq dhe djath!

Perberesit per 6 veta:                                                         

• 1 filxhan me djathë të grirë imtësisht

• 1 filxhan me djathë kackavall

•   cerek lugë çaji kripë

•   cerek lugë çaji hudher pluhur

• cerek lugë çaji piper i zi

•   spinaq i grire

• 1 koker vezë

• 6 copa krah pule

•   gjysem filxhan caji verë të bardhë

Përgatitja:

Për të përgatitur mbushjen përzieni 7 përbërësit e parë. Ngrohini në temperaturën 350 gradë.Ndajini copat e mishit të pulës në dy pjesë dhe hidhni në mes të masën e përgatitur. Mbështillini, spërkatini me verë dhe mbështillini me letër kuzhine.Vërini të piqen në temperaturën 350 gradë për 30 min duke i spërkatur herë pas here copat e mishit me verë. Këshillohet që të spërkatet dhe pjata ku do të serviret mishi me pak verë (për 6 persona)

Qofte me spinaq

Perberesit:

• 1 kg spinaq( te jete i zier dhe i kulluar paraprakisht)
• 4 qepe te njoma te grira
• koper 
• kripe 
• piper
• 4 veze
• 10 luge gjelle miell
• 1 filxhan kafeje djath  kackavall  i grire
• vaj

 Pergatitja
Grijme ne nje ene spinaqin e zier dhe te kulluar paraprakisht. Me pas shtojme, te spinaqi edhe qepet e grira, koper te grire, vezet , miellin, djathin kackavall, kripen dhe piperin (Kujdes: jo Vajin). I perziejme mire te gjithe perberesit derisa te krijohet nje mase kompakte. Ky eshte edhe brumi qe na nevojitet per qoftet. Vendosim ne zjarr nje tenxhere fundin e te ciles e kemi mbushur me vaj dhe e leme vajin te nxehet. Shkepusim nga brumi masa me madhesine normale te qofteve, i lyejm me miell dhe pasi te sigurohemi qe vaji eshte nxehur, fillojme te skuqim qoftet. Qoftet jane skuqur kur kane marre nje ngjyre kafe te arte. (Skuqja mund te kryhet edhe ne tigan).

Mish qingji me speca...

Perberesit
1.5 kg mish qingji
80 gr gjalp
3 speca
2 hudhra
vaj
dafine
kripe
piper
uthull
vere te bardhe

Pergatitja

E presim mishin copa-copa dhe e veme ne nje tigan te gjere bashke me 50 gr gjalpe, pak dafine, dhe fillojme skuqjen me zjarr te vogel dhe pak e nga pak i leshojme veren.Mbas disa minutash hedhim specet e prere ne pjese,hudhren e grire,piper e kripe dhe i lagim me hudhra.Bashkojme mishin me sugon e ngrire dhe i leme te piqen per 15 min me 250 grade.

Byrek me domate dhe salmon

Byrek me domate dhe salmon

Përbërësit për katër persona :
200 gr brum
500 gr domate të prera
120 gr salmon me vaj
një tufë majdanozi
pak kripë

Pregatitja
Domatet  pritni në feta për së gjati, duke hequr pjesët e panevojshme. Kriposini lehtë dhe vendosini në një kullesë për të humbur ujin. Hapeni brumin në një tavë  të mbuluar me letër zjarrduruese. Shponi pjesën e poshtme me pirun dhe vendoseni në frigorifer për 30 minuta. Mbulojeni pastaj me domate duke lënë anëve një bordurë prej 1,5 cm. Futini në furrë të nxehur më parë me temperaturë 220 gradë dhe lëreni vetëm për 10minuta. Ulni temperaturën në 200 gradë dhe vazhdoni ta piqni për 20 minuta të tjera, derisa brumi të vijë mirë dhe domatet të jenë pjekur. Nxirreni nga furra dhe vendosni në qendër filetot e salmonit. Mbuloni sipërfaqen me fletët e borzilokut dhe majdanozit dhe lëreni të ftohet para se ta shërbeni.

OKTAPOD ME SALCE TE BARDHE

Perberesit per 4 persona:

•  Oktapod 1 kg
  

• krem Hopla 3 luge gjelle
• 1/2 luge gjelle gjalp
• leng limoni per te vendosur oktapodin

Pergatitja:
Para se ti skuqim oktapodet i vendosim ne uje me limon per 2-3 ore.Pasi i kemi hequr nga uji i thajme me beze dhe i vendosim ne tigan ku kemi shrire gjalpin. I leme aty deri sa te skuqen dhe te marrin formen e nje kerpudhe.Pastaj hedhim salcen pak kripe dhe fara djegese(sipas deshires) dhe i leme derisa te krijohet nje mase e njetrajtshme. Serviren me sallate jeshile dhe vere te bardhe.
JU BEFTE MIRE!

Mish pule me salce te bardhe!!!

 Përbërësit për 3 vet

• gjysem kg mish i bardhe pule
• gjysem liter krem hopla
• djath i bluar i bardhe
• kackavall
• djalth i bluar parmezan
• erëza

Pregatitja

Mishin e bardhe e presim ne rriska te gjata dhe te holla ne forme gishti. E skuqim per rreth 10 minuta. Nderkohe qe tigani me kete mase eshte ende mbi pllake te nxehte, mbi te hedhim kremin hopla dhe te gjitha llojet e djathrave si dhe erezat.Te gjitha keto i leme te vlojn ne temperature te ngadalshme perafersisht 20 minuta. Sherbehet me patate te skuqura apo me lloje te ndryshme makaronash ose orizi.

Ferges Tirane

Perberesit



- domate 4-5 kokrra mesatare
- speca 10 copë mesatare
- vaj 2 filxhanë kafeje
- miell 1 lugë gjelle
- vezë 2 kokrra
- hudhra 4-5 thelpinj
- gjizë 4-5 lugë gjelle
- spec djegës (sipas dëshirës)

Pergatitja per 4 vete:

Pasi u eshte hequr bishti dhe farat, specat lahen dhe skuqen. Në vajin qe ngelet hidhen domatet e qëruara nga cipa dhe të grira hollë, kaverdisen derisa masa të trashet (te behet viskoze), hiqen nga zjarri dhe shtohen vezët, speci djegës, majdanozi i grirë hollë, gjiza ose djathi. Masa vendoset në pjatë dhe sipër vendosen specat e fërguar.

Buke e thekur me veze!!!!!!!!!!

Përbërësit për 4 persona

• 4 kokrra veze
• 4-7 feta bukè
• vaj (sipas nevojes)
• krip (sipas nevojes)
• qumesht
• tigan
• pirun
• tas porcelani

Udhëzime per pergatitjen

Marrim tasin e porcelanit , hedhim vezèt nje e nga nje duke i rrahur,, hedhim kripè sipas deshires edhe duhet kontrolluar sasia,mos i hidhni me tepricè ben dèm per veshkat:)
Vezet me kripen i rrahin deri sa te behen nje,,,hedhim qumesht 2 lugè,, i rrahim,, nderkohe qè i rrahim vezèt vèmè ne zjarr mesatar tiganin me vaj,, ngrohet vaji,, marrim bukèn dhe fetat e bukès i kalojme ne vezè nga te 2 anèt,, i vèmè ne tiganin me vaj i lèmè deri sa te marrin nje siperfaqe te kuqe.
Nje nga menyrat per te nisur nje mengjes plot energji,ju befte mire.

Pingjire...embelsire e qytetit korcar!

Përbërësit per 3 vete:

* 7 veze
* 200 gr sheqer
* 235 gr miell
* kakao 1 luge
* 150 l vaj
* sode 1 luge kafeje
* kos 1 litër

Pergatitja

Ne nje ene te thelle hedhim vezet i ndajm te verdhen nga bardha dhe i rrahim, me pas i shtojme dhe te verdhat e vezeve i perziejm mire dhe hedhim sheqerin, me pas shtojm vajin i perziejm dhe shtojme miellin me pas hedhim soden dhe kakaon dhe ne fund hedhim dhe kosin. Pjekja behet per 45 minuta ne nje temperature furre rreth 230 grade!

Krepa...

Per te pergatitur nje prej gatimeve me te shijshme dhe me te famshme te koheve te fundit, krepat, duhen keta perberes:

150 gr Miell

30 gr Sheqer

1/2 luge kafeje me kripe

350 ml Qumesht

4 luge gjalp

Pergatitja:

Rrahim vezet ne mikser,me pas shtojme qumshtin, miellin kripen dhe sheqerin...i perziejm mire e mire deri sa te krijohet nje mase viskoze. Masen e pergatitur e vendosim ne frigorifer per tu ftohur (jo per ta ngrire) per rreth 30 minuta...nderkohe fillojme te ngrohim tiganin ne zjarr te mesem dhe fillojme te shkrijme gjalpin ne te. Kur gjalpi fillon te nxehet, marrim masen e ftohur me filxhan kafeje (ose me luge te thella) dhe fillojme t'i skuqim derisa te marrin ngjyre kafe te lehte, me pas i kthejme nga ana tjeter dhe i lem serish sa te marrin nje ngjyre te lehte kafe...Mbushja e tyre mund te behet sipas deshires dhe ne masen e deshiruar...Shijim te kendshem......